Mbi 7.500 fëmijë janë vrarë ose plagosur në Jemen gjatë 5 viteve të fundit, si rezultat i sulmeve ajrore, bombardimeve, luftimeve, sulmeve vetëvrasëse, minave dhe municioneve të tjera të pashpërthyera, sipas një raporti të OKB-së të publikuar të premten.

Raporti i Sekretarit të Pergjithshëm Antonio Guterres tha se vrasjet dhe plagët ishin midis 11,779 shkeljeve të rënda kundër fëmijëve gjatë periudhës midis 1 prillit 2013 dhe 31 dhjetorit 2018 shkruan Daily Sabah përcjell Arbresh.info

Thuhet se shifrat kanë gjasa të jenë më keq, sepse monitorimi i Jemenit është bërë gjithnjë e më i vështirë.

Konflikti në vendin më të varfër të botës arabe filloi me marrjen e kryeqytetit të Jemenit, Sanaa në 2014 nga rebelët shiitë Houthi të mbështetur nga Irani, të cilët rrëzuan qeverinë e Abed Rabbo Mansour Hadi.

Një koalicion i udhëhequr nga Sauditi, i lidhur me qeverinë e njohur ndërkombëtarisht të Jemenit, po lufton Houthin që nga viti 2015.

Virginia Gamba, përfaqësuese e posaçme e OKB për fëmijët në konflikt, tha se ndërsa disa masa pozitive janë miratuar nga palët ndërluftuese, “vuajtjet e fëmijëve në Jemen janë përkeqësuar gjatë periudhës raportuese, duke u bërë thjesht tmerruese”.

“Fëmijët e Jemenit nuk kishin të bënin me fillimin e këtij konflikti,” tha ajo. “Tani duhet t’u jepet mundësia të dalin prej saj dhe të ndihmohen për t’u rimëkëmbur plotësisht”./Arbresh.info/